Kumamoto Café(APM)

終於都食到 Kumamoto Café
之前來過兩次，但因為太晚，所以食不到

今次我們6:00就來

排了一會就入到去了

杯墊和紙巾都有Kumamoto，好可愛呀><

 

 

有Kumamoto陪我們一起食
我們叫了一個SET和一個甜品加錢就有特飲
我叫的朱古力特飲好好味，有朱古力味，不算太濃
另一杯是草莓奶，就一般，味道好似牛奶糖加水

SET B 有漢堡扒、煎蛋和炸蝦沙律
紫菜飯有Kumamoto的傻樣，真的不捨得食
 

沙律比較少，跟雜菜沒什麼分別，炸蝦有點乾

漢堡扒、煎蛋一定要連白飯食，因為漢堡扒偏喊
漢堡扒好似煎過的蒸肉餅，夾起來有少少散，但有很多肉汁
煎蛋好靚

跟SET有個小甜品，我們選了布甸
但布甸 質地好實，焗得過了火，沒有滑滑的口感

香蕉朱古蛋糕配軟雪糕

不過不失，沒有什麼特別感覺

來這些主題CAFÉ食東西，本來不抱太大期望

只想耒探下Kumamoto，食物只要不難入口就OK

想不到沒有期盼反而有驚喜

 

youme cafe(荃灣)

YOUME CAFE 環境

朋友生日，她是一個動漫迷
剛巧這間CAFE今個月的主題是黑執事
於是就BOOK了這裡食飯
這裡的佈置超靚
又有多角色的紙版公仔畀我地影相
我個FD超開心(我都好開心)

TEA SET 159

我們叫了一個TEA SET

最上層是撻，中間是泡芙，最下是三文治

我覺得可以再精緻些，甜品不用太大，可以迷你一點，放多幾款

明明是二人SET，不知為何每款三件????(點分???)

最上層是撻，是鮮果撻，生果好新鮮，餡料甜左少少，撻太淋

中間是泡芙 : 泡芙好淋.....

泡芙一係新鮮出爐，外面熱餡料凍先好食;一係雪到凍凍地

可惜兩樣都唔係

最下是三文治:只是普通三文治，沒什麼特別

食物整體不太差，但仍有進步的空間

侍應服務非常好，好有禮貌

食到一半仲有GAME玩

基本上有點餐都有禮物抽~~~超贊

又有精品部~~超靚

有些食客仲COAPLAY來~~好靚呀好認真

 動漫迷不容錯過

italian tomato cake

 

-------------------------------------------------------------

tomato italian

朋友了一左張tomato的優惠劵給我

於是我一口氣買了5份cake跟家人一起品嚐

我買了焦糖香蕉撻、藍莓批、士多啤梨芒果夾心餅 、法國海鹽純米蛋糕和朱古力慕士蛋糕

整體而言，tomato的蛋糕、慕士、cream都好出色，而且材料新鮮
所以選鮮果類蛋糕一定正

但批和撻就真係好一般

 

 焦糖香蕉撻 : 原隻香蕉好新鮮，批面的CREAM好輕入口即溶，可惜朱古力批底(唔睇介紹都唔知係朱古力)又無朱古力味又硬，太可惜了。

 

藍莓批 : 又是批底出事，又硬又易碎， 藍莓大大粒好新又不會過甜鮮，不似一般用 藍莓醬的，餡炓有淡淡的芝士味，如果再濃一點就更好。

 

士多啤梨芒果夾心餅  : 一切就所有料都"BI晒"出來，芒果又大大塊真的很足料，個吉士醬正。 

 

法國海鹽純米蛋糕 : 慕士和海綿蛋糕非常夾，啖啖幸福的感覺。 

 

朱古力慕士蛋糕 : 朱古力味不夠濃，失望>"<

 

用WORD製作立體聖誕卡(親子活動)

 

現在網上有很多免費資源

不要以為不用錢的東西就一定差~~~

近幾年Microsoft 資源庫的圖已經美化了很多

對於一般家庭來就已經夠用

今次就用Microsoft的免費資源製作賀卡

爸爸、媽媽和小朋友都可以一齊做

 

1. 首先在Microsoft的網上資源庫搜圖，網址àhttp://office.microsoft.com/zh-hk/images/?CTT=6&ver=14&app=winword.exe

2. 然後在word進行排版，列印出來

3.多印幾張圖，以便作後期加工(##圖畫要跟聖誕卡上的圖一樣大)

4. 按圖畫分圖層

聖誕樹只有到兩個圖層(底圖+樹)

事的糖只有到兩個圖層(底圖+事的糖)

聖誕鐘有三個圖層(底圖+聖誕鐘+鐘上的裝飾)

聖誕老人三個圖層(底圖+聖誕老人+帽)

5.    剪好配件，然後組合

 

6. 一般會用有海綿的那種雙面膠紙，不過剛好用完，於是diy一種有厚度的雙面膠紙。做法用紙條(可用廢紙)摺成你需要的厚度，然後用雙面膠紙包著它。底面一定要包好雙面膠紙。

 

 

7. 可貼在圖層的背面組合聖誕卡了

 

 

 

8. 完成後的用了色紙托底

9. 加少少閃鈕粉

 

 

十一月生日飯~~~禾牛薈

十一月壽星仔生日，今次我們一7人到了禾牛薈一齊恰恰下

 

侍應和部長都好熱情，環境幾好，枱與枱之間有些距離，不會太迫

一進來就見到好多用來混醬的料

好乾淨好新鮮

我們點了個鴛鴦鍋，一邊是豬骨鍋一邊是蕃茄薯仔

非常足料，而且好夠味，只食鍋中的配料都OK

 

 

推介

雪花牛，一定是牛啦，一點雪味也沒有，而且肉與脂肪比例很均勻，好食

雲吞，大大粒，好足料，而且食到蝦肉，雲吞又滑溜溜

意式牛肉餃，不理解何謂意式，但牛肉餃好正，餡料牛肉和蕃茄，好大，好有味牛肉味好濃。

稻庭烏冬，好滑好彈牙

脆肉鯇，大大片，好少見到這麼大片，而且厚切，恰完仲好有肉，而且肉質結實。

竹蔗茅根又一推介，自己煲的，好清甜真材實料，完全似其他餐廳的甜水

 

 

埋單每人470大元，現在在香港食飯，要四百幾蚊先食到中上的質素。(諗諗下都係多D係屋企煮好，每人4XX已經可以食九大簋)

 最後當然係壽星仔生日快樂啦~~

自家製多士~(好好食呀)

媽媽去街，我和老弟自己食自己
於是用家中的剩餘的食物來整lunch

有之前整pizza用剩的芝士
打邊爐食唔晒的丸和腸仔
早餐食唔晒的方包
湊湊合合就成了好味的多士

先塗上醬料，我用了沙律醬和蕃茄醬

灑上芝士和加配料

最後一層勁落芝士

入爐爐至芝士溶化(我用200度，10分鐘左右)

Patisserie Tony Wong(沙田)

Patisserie Tony Wong未見其店已先聞其聲
他最出名的是玫瑰蛋糕又靚又好食
難得他落戶沙田，沙田友當然不會錯過

一入去就被華麗CAKE吸引，由於是下午茶時間
人，都滿多，我們一行三人等了一會才有位

我們選了三個甜品 : Blackcurrant yogurt ($50)，Chocolate truffle cake($42)，Mango four play($78)

甜品來了，真的好靚，可惜味道真的很一般

Blackcurrant yogurt ($50) ，好硬....好酸.....真的....好失望，還是有其他食法???真的不清楚!

Chocolate truffle cake($42)，truffle好多，太甜，朱古力不夠味

Mango four play($78)，時令甜品(我們在8月食^^)，一SET四件，可以多食幾款，印象中只有芒果拿破崙是"堅"好食，吉士醬好濃跟芒果好夾，而酥皮好香脆，好香牛油味。其他都不過不失，可以得更好

整體來說是有點失望

新城市廣場1期7樓704號舖

番茄飯初體驗

 

近期網上大熱番茄飯，據聞又易整又好食，我當然要試下

 

易整就易整

但味道跟我想像中有落差，太淡食唔到番茄味

口感好”淋”

 

結果我試了三種方法補救，效果都幾好

1.     加芝士 : 趁熱放上番茄飯，等一會兒，芝士開始有少少溶就可攪勻，YUMMY不過好有罪惡感>”<

2.     加芝麻醬 : 又香又有日式風味，如果加埋紫菜仲正

3.     加生雞 : 趁熱打上番茄飯，立即攪勻，再加少少醬油，正

 

 

如果想一煮完就食得，上網爬文總結出

1.     洗米水要比平時份量少約1/5，因為番茄會出水

2.     放好配料後一定要落調味料

3.     在番茄上個十字，番茄汁會容易流出，飯都入味D

 

西貢甜源居

 

朋友有現金劵，於是特意去食
對甜源居都略有所聞，知道有好多明星曾經光顧
本來什有期望
可惜到了現場
應該是裝修的問題，所以好傳聲，每枱發出少少聲音，已經非常嘈吵，好影響心情
除去環境因素，甜品都是幾好的

 

我們叫了三個甜品

一個是芒果河粉，一個雜果河粉，另一個是SHARE食的糖不甩
我最喜歡糖不甩煙煙韌韌不黏牙的口感好好，而花生椰絲都好香
芒果河粉和雜果河粉都以芒果汁做湯，好濃好足料，可惜唔夠香，如果揀再成熟D的芒果會更好
河粉完全無味，這方面有點失望，始終都是皇牌品，如果加重椰奶味，成個甜品會好食好多。

十月生日聚餐

十月份壽星女選擇來OUTBACK慶祝

我們點了個大蝦凱撒沙律、炸魷魚圈、豬肋骨、兩個漢堡餐、蟹腳加焗薯…….，非常飽足的一餐。
OUTBACK每款都好大份(當灸然價錢都有返咁上下)，兩三個姊妹淘來一定食唔多，六七人來就差不多，差不多每版都點到一兩款試。(我想壽女都有這個意思)

OUTBACK需提早預約，尤其我們十個人，雖然BOOK位時都說明只有2小時用餐時間，但如果出面無人等，都唔會夠時間就趕你走。

蝦凱撒沙律、炸魷魚圈、豬肋骨、兩個漢堡餐、蟹腳加焗薯

頭盤炸魷魚圈，原本想試他們的薯條混芝士，可惜個焗爐壞左(好似係) ，轉移點左這個，炸漿有點厚，不過都好脆，食落不太油，跟來的香草蕃茄海鮮醬好食，蕃茄醬加上淡淡的香草味好特別。

燒蝦凱撒沙律，剛好我們一人有一隻燒蝦，不過不失，但多士比較硬

豬肋骨好食，燒得剛剛好，肉跟骨很容易就可以分開，而且仲有很多肉，可以食到肉的味道，但就乾左少少，食完才發覺沒有畀醬我們>”<(唔怪得硬係覺得差少少)

兩個漢堡餐，唔係太記個餐名，好有份量，兩份的漢堡扒都好原，而且肉汁豐富，好濃的牛肉味，其中一款似叫blue cheese的芝士味非常濃郁，喜歡CHEESE的朋友仔應該好歡喜。

因為有朋友好想食焗薯，於是叫了蟹腳加焗薯，以為OUTBACB只是肉類有水準，估唔到蟹腳都好好食，蟹腳不黏殼，而且蟹肉無雪藏味，好新鮮，如果唔係大家都食飽飽，一定會再叫。

這一餐好滿足，食得開心，大家又傾得開心，好難得大家出來工作，仍然KEEP到定期相聚。
最後當然是去壽星女生日快樂!!!

後補:佢送的這個包，好好食、熱LALA，外脆內軟